شعر لصلاح جاهين لرمضان

My pet : : : Posts : 20 Join date : 2009-09-05 Age : 34

النور ملو الشوارع

و مليون راديو والع

الساعة اتنين صباحاً

لكين إيه الموانع

الخلق رايحة جايه

و الدنيا لسه حيه

مليانة بالهأو أو

و زعيق القهوجية

واحد يقول لواحد:

خليك ياعم قاعد

التانى يقول: شكراً

ده أنا م المغرب مواعد

فيه سهرة لسه عندى

فى بيت فلان أفندى

ح ناكل حاجه حلوه

و نشرب تمر هندى

و اللى تروح دالقة جردل

فوق حضرة المبجل

طبعاً صاحبنا يزعل

و ينفجر شتايم

والحى كله يوصل

مابين مصلح و لايم

اللى يقول: ياجماعة

و اللى يقول: يا بهايم

و مطرب الإذاعة

يصرخ و فى وجده هايم

ولو طرطقت ودنك

فى وسط دى العظايم

تسمع مسحراتى

بطبلة صوتها واطى

بيقول: اصحى يانايم